صوبائی محتسب سندھ محمد سہیل راجپوت سے مختلف جامعات کے انٹرنشپ حاصل کرنے والے طلباء کی ملاقات
ملاقات میں ایڈوائزر محتسب سندھ ریحانہ جی علی میمن اور رجسٹرار مسعود عشرت بھی شریک
کراچی (سماج رپورٹ) صوبائی محتسب سندھ محمد سہیل راجپوت سے صوبائی محتسب سندھ دفتر میں مختلف جامعات کے انٹرنشپ حاصل کرنے والے طلباء نے انکے دفتر میں ملاقات کی۔ اس موقع پر ایڈوائزر محتسب سندھ ریحانہ جی علی میمن اور رجسٹرار مسعود عشرت بھی شریک تھے۔ ملاقات میں انٹرن شپ حاصل کرنے والے طلباء جو صوبائی محتسب سندھ کے اغراض و مقاصد، شکایات کے اندراج، تفتیش و حل کے بنیادی طریقہ کار، ریجنل دفاتر سے متعلق آگاہ کیا گیا جبکہ صوبائی محتسب سندھ دفتر سے متعلق عوامی آگاہی کے لیے طلباء کو کردار ادا کرنے پر بھی زور دیا گیا۔ طلباء کو صوبائی محتسب سندھ دفتر کے مختلف شعبوں کا دورہ بھی کروایا گیا۔ یاد رہے کہ طلباء کی صوبائی محتسب سندھ دفتر میں انٹرن شپ کا دورانیہ دو ہفتے ہوگا۔